ვაგინალური სექსის შეუძლებლობის შემთხვევაში, სიამოვნების მიღება სექსის სუროგატული ფორმებით შეიძლება. ქვემოთ მოცემული სექსის სუროგატული ფოემების ჩამონათვალია:

რეპროდუქციული ჯანმრთელობის საკითხებს, როგორც წესი, სათანადო ყურადღება არ ექცევა ჯანდაცვის ზოგადსაგანმანათლებლო საკითხების შესწავლისას, განსაკუთრებით განვითარებად ქვეყნებში. 2004 წელს ბულგარეთში ჩატარებული ერთ-ერთი გამოკვლევის თანახმად, ქალების ერთ მეხუთედს ზოგადი წარმოდგენაც არ ჰქონდათ იმაზე თუ რა პროცესები ხდებოდა მათ სხეულში როდესაც მათი პერიოდები იწყებოდა; გამოკითხულთა ერთ მესამედს ეგონა რომ ოვულაცია მენსტრუაციის დროს ხდებოდა; ნაყოფიერი დღეების რაოდენობაც გადაფასებული იყო: 21 პროცენტს ეგონა რომ მენსტრუაციულ ციკლში 21-ზე მეტი ნაყოფიერი დღე იყო (მაშინ როდესაც საშუალოდ ის მხოლოდ 7-ია). 

ორგაზმი სიამოვნების განცდის ინტენსიური გრძნობაა, რომელიც სექსუალური რეაქციის ციკლის ნაწილია და აღმოცენდება ქალებშიც და მამაკაცებშიც. ქალების ორგაზმი უფრო კომპლექსური და რთულია ვიდრე მამაკაცების. ქალების ორგაზმი ძირითადად იყოფა ორ ნაწილად: ვაგინალური და კლიტორული ორგაზმი. როგორც წესი, კლიტორული ორგაზმი უფრო ადვილად მიიღწევა და უფრო ხშირია, ვიდრე ვაგინალური.პირველმა ფროიდმა გამოყო ვაგინალური და კლიტორული ორგაზმის ცნება, ის ამტკიცებდა, რომ კლიტორული ორგაზმი გარდატეხის ასაკში მყოფი გოგონებისთვის იყო, ხოლო მას შემდეგ, რაც ქალი ზრდასრულობას მიაღწევდა უნდა განეცადა ვაგინალური ორგაზმი კლიტორული სტიმულაციის გარეშე. ალფრედ კინსი კი, რომელიც სექსოლოგიის ერთ-ერთი ფუძემდებელი იყო, უფრო დიდ მნიშვნელობას ანიჭებდა კლიტორულ ორგაზმს და ამტკიცებდა, რომ ქალების აბსოლიტური უმრავლესობა განიცდიდა მხოლოდ კლიტორულ ორგაზმს და ვაგინალური ურთიერთობა ქალის ფსიქოლოგიურ დაკმაყოფილებას ემსახურებოდა.